香港2009年的下下籤不是政治show

「君不須防人不肖，眼前鬼卒皆為妖，秦王徒把長城築，禍去禍來因自招。」

今年「新界王」劉皇發昨日在車公廟為香港求得的籤文，絕對肯定不是政治show。我相信「新界王」點愚蠢都好，都唔會用這個籤文去擦特首的鞋。除非佢學喺何志平為香港求得下籤，諗住擁護特首下年未來施政的失敗。咁佢嘅政治IQ和啲助手們真係幫佢不少啦，收得皮啦。

籤文句句兇險，意味今日香港所面對的困境，主要是由「家鬼」造成，導致香港時運極滯，已到了非改不可的地步。喺這個時間求得咁嘅籤文，更加「指桑罵槐」到憑政治籌碼加入行政會議的「新界王」。要做好政治show，學吓以前嘅特首啦，學識點樣補鑊或當係一個show咁鼓勵下市民，例：我地香港現在應該逆景自強，強政厲治嘛。

「家鬼」籤文證明，港府不但內部各懷鬼胎、互相扯皮、混亂不堪，當面對其治下的七百萬市民時，更是冷漠得令人難以置信，面對當前逆境，整個社會中最不團結的就是港府！由一班「家鬼」所管治的港府又做了甚麼？如果港府真的對籤文言計聽從，是不是從整治班「家鬼」開始？

這個求籤show一定不是政治show，我認為「新界王」劉皇發無咁醒目去話自己係「家鬼」啦。係嘛？

絕對要求下年由其他人士幫香港求籤，因為劉皇發不是一個識做政治show嘅人才。除非港府已經去到「蜀中無大將，廖化當先鋒。」的地步。